ភ្នំពេញ៖ ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានសម្រេចបញ្ជូនជំនួយមនុស្សធម៌ជូនជនរងគ្រោះជិត ២ពាន់គ្រួសារ ក្នុងឃុំចំនួន១៦ ក្នុងខេត្តពោធិ៍សាត់។ នេះបើយោងតាមសេចក្ដីប្រកាសព័ត៌មានចុះថ្ងៃច័ន្ទ ទី៣ ខែតុលា ឆ្នាំ២០២៣។
ជំនួយមនុស្សធម៌នឹងត្រូវបញ្ជូននឹងចែកដល់ជនរងគ្រោះចាប់ពីថ្ងៃទី៤ ខែតុលា ដល់ថ្ងៃទី៧ ខែតុលា នៅតាមក្រុងពោធិ៍សាត់ ស្រុកកណ្ដៀង ស្រុកវាលវែង និងស្រុកភ្នំក្រវាញ។
គ្រួសារនីមួយដែលទទួលជំនួយមនុស្សធម៌នេះរួមមាន អង្ករ ២៥គីឡូក្រាម មី ១កេស ត្រីខ ១០កំប៉ុង ឃីត (មុង ភួយ សារុង ក្រមា) ១កញ្ចប់ ទឹកស៊ីអ៊ីវ ឬទឹកត្រី ៦ដប ដែលសរុបជាថវិកានៃការការផ្ដល់ជំនួយមនុស្សធម៌ ៦៦ ៨៨៨ដុល្លារអាមេរិក៕